Գլխավոր էջ » 2012 » Ապրիլ » 29 » "Ման.Սիթին" հետաքրքրված է Սթարրիջի ծառայություններով
"Ման.Սիթին" հետաքրքրված է Սթարրիջի ծառայություններով
Manchester Evening News-ի տեղեկացմամբ` «Մանչեսթեր Սիթի»-ն հետաքրքրվում է «Չելսի»-ի հարձակվող Դանիել Սթարիջի ծառայություններով և ամառային տրանսֆերային պատուհանի ժամանակ պատրաստ է լոնդոնյան ակումբին 20 մլն ֆունտ առաջարկել ֆուտբոլիստի իավունքների դիմաց: «Քաղաքայիններ»-ի գլխավոր մարզիչ Ռոբերտո Մանչինին հաջորդ մրցաշրջանում ցանկանում է փոփոխության ենթարկել թիմի կազմը` տրանսֆերի հանելով Կառլոս Տևեսին, Մարիո Բալոտելլիին և Էդին Ջեկոյին: Հիշեցնենք, որ Անգլիայի ազգային հավաքականի 22-ամյա ֆուտբոլիստը «Մանչեսթեր Սիթի»-ից «Չելսի» էր տեղափոխվել 2009 թվականին:
«Սթարիջը հանդիսանում է «Մանչեսթեր»-ի սան և տարօրինակ է, որ ինչ-որ մեկը վաճառել է նրա տրանսֆերը: Եթե նա այժմ հանդես գար մեր թիմում, ապա անկասկած տեղ կգտներ հիմնական կազմում: Ես շատ եմ հետևել Սթարիջի խաղին»,- հայտարարել է Մանչինին:
Նշենք, որ Սթարիջն Անգլիայի Պրեմիեր Լիգայի շրջանակներում անցկացրած 25 խաղում խփել է 10 գոլ և ընդգրկվել է տարվա լավագույն երիտասարդ ֆուտբոլիստ ճանաչվելու թեկնածուների ցուցակում:
Տարածել լուրը`