Գլխավոր էջ » 2015 » Ապրիլ » 10 » Ժոզե Մոուրինյո. Օր օրի ավելի լավն եմ դառնում

Ժոզե Մոուրինյո. Օր օրի ավելի լավն եմ դառնում


«Չելսիի» մարզիչ Ժոզե Մոուրինյոն հայտարարել է, թե՝ տարեց տարի, որպես մարզիչ, ավելի լավն է դառնում: 52 տարեկան Մոուրինյոն աշխարհի ամենահաջողակ ու հեղինակավոր մարզիչներից մեկն է: Ժոզեն չեմպիոնական տիտղոսներ է շահել Անգլիայում, Իսպանիայում, Իտալիայում ու հայրենի Պորտուգալիայում: Ժոզեն գտնում է, որ ամեն մրցաշրջանում ավելի է հղկվում իր վարպետությունը:

«Կարծում եմ՝ ես խնդիր ունեմ. այն պահից, երբ սկսեցի աշխատել, ավելի լավն եմ դառնում: Ես շատ ոլորտներում եմ առաջադիմում. խաղը հասկանալու, հանդիպումների նախապատրաստության, մարզումային պրոցեսների, մեթոդոլոգիայի: Ես ինձ ավելի ու ավելի լավ եմ զգում: Բայց մի բան կա, որը չեմ կարող փոխել. երբ շփվում եմ մամուլի հետ՝ երբեք կեղծավորություն չեմ անում:

Գիտեք՝ ֆուտբոլի համար ես այնքան էլ ծեր չեմ: Դեռ 20 տարի կարող եմ մարզել: Բայց ես ինձ «ծեր աղվես» եմ զգում: Ինձ ոչինչ չի վախեցնում, ոչինչ չի անհանգստացնում: Թվում է՝ ինձ համար ոչ մի նոր բան չկա:

Այդ հույզերի վերահսկման առումով շատ դիմացկուն եմ, բայց խորհելու համար ինձ ժամանակ է պետք: Այնպես չէ, որ ինչ-որ մեկի վնասվածքի կամ հաջորդ խաղի մարտավարության համար լուսաբացին քնեմ: Ինձ պետք է խորհդածել, ջանում եմ կանխել խնդիրները»,- ասել է Մոուրինյոն:

Football365.am

  Տարածել լուրը`


Դուք պետք է գրանցվեք ու մուտք գործեք համակարգ մեկնաբանություն թողնելու համար
[ Գրանցվել | Մուտք ]

Բոլոր իրավունքները պաշտպանված են:
©Copyright ArmChelsea.Com - 2014/15