Գլխավոր էջ » 2012 » Հունիս » 6 » Չելսին չի թույլատրի Կուրտուային խաղալ UEFA-ի սուպերգավաթում
Չելսին չի թույլատրի Կուրտուային խաղալ UEFA-ի սուպերգավաթում
Չելսին պատրաստ է Տիբո Կուրտուային 2-րդ տարին անընդմեջ վարձավճարով տրամադրել Ատլետիկո Մադրիդին, սակայն մի շատ կարևոր պայմանով:Բելգիացի դարպասապահին չի թույլատրվի խաղալ Չելսիի դեմ օգոստոսի 31-ին Մոնակոյում կայանալիք UEFA-ի սուպերգավաթի խաղարկությունում:
20-ամյա դարպասապահն իր Թվիթթերի էջում գրել է. «Հիմա ես ուզում եմ Ատլետիկոյի հետ հաղթել սուպերգավաթը, ես ուզում եմ գնալ Նեպտուն»:
Կուրտուան ի նկատի ուներ Մադրիդի Նեպտուն շատրվանը, որտեղ ակումբը ներկայացնում է իր հաղթած գավաթները:
Եվ չնայած նրան, որ «կապույտները» ուրախ են, որ Կուրտուան շարունակում է իր զարգացումը «Սթեմֆորտ Բրիջի» սահմաններից դուրս, նրանք չեն ուզում, որ նա խաղա իրենց դեմ:
Ատլետիկոյի մարզիչ Դիեգո Սիմեոնեն կարծում է, որ երիտասարդ դարպասապահի համար դժվար կլինի ընդունել Չելսիի կայացրած որոշումը, բայց նա պետք է հաշտվի դրա հետ:
«Դրանք վատ լուրեր են Կուրտուայի համար, որովհետև դա պարգև է Եվրոպայի Լիգան հաղթելու համար: Մենք չենք կարող հակառակվել Չելսիի որոշմանը, քանի որ Լոնդոնյան ակումբին են պատկանում նրա տրանսֆերային իրավունքները»-ասել է Սիմեոնեն:
Տարածել լուրը`