Գլխավոր էջ » 2012 » Հոկտեմբեր » 19 » Բլոգ. 5 պատճառ, թե ինչու է Տորրեսը մոտ իր լավագույն մարզավիճակին
Բլոգ. 5 պատճառ, թե ինչու է Տորրեսը մոտ իր լավագույն մարզավիճակին
23 տարեկանում Տորրեսը որոշ մասնագետների համոզմամբ համարվում էր աշխարհի լավագույն «9» համարը: «Լիվերպուլում» հանդես գալու տարիներին նա դարձավ ֆուտբոլի համաշխարհային աստղերից մեկը:
Չնայած նրան, որ Ֆերնանդոն վատ մրցաշրջան անցկացրեց նախորդ տարի, այնուամենայնիվ շատ ֆուտբոլային մասնագետներ հույսեր են կապում հարձակվողի հետ: Ձեզ ենք ներկայացնում ֆուտբոլային հայտնի կայքերից մեկի վերլուծությունը: 5 պատճառ` ըստ որի Ֆերնանդոն շատ մոտ է իր լավագույն մարզավիճակին:
1. Նա երջանիկ է «Չելսիում»:
Վերջերս տված հարցազրույցում Ֆերնանդոն նշեց, որ նախորդ մրցաշրջանում երջանիկ չէր «Չելսիում»:
«Ես ինձ թիմից մեկուսացած էի զգում: Այդ ամենը շատ սարսափելի էր, բայց հիմա ամեն ինչ հրաշալի է: Հիմա պատրաստ եմ պայքարել մինչև վերջ:»-ասել էր Տորրեսը:
2. Բավականաչափ խաղաժամանակ:
Նախորդ մրցաշրջանը վատագույնն էր Տորրեսի կարիերայում: Նա չէր խաղում, և հետևաբար, գոլեր չէր խփում: Բայց այս մրցաշրջանում ամեն ինչ փոխվել է: Տորրեսը «Չելսիի» այն 6 խաղացողներից մեկն է, ով խաղացել է ԱՊԼ-ի այս տարվա բոլոր խաղերում: Արդեն խփել է 4 գնդակ` ԱՊԼ-ում, իսկ դա նշանակում է, որ նախորդ մրցաշրջանի արդյունքին մնում է ընդամենը 2 գոլ: Դժվար է ասել, արդյոք նա կհաղթի մայիսին հայտարարվող «Ոսկե խաղակոշիկը»: Բայց մի բան ակնհայտ է, եթե նա այսպես շարունակի, ապա միանշանակ կհայտնվի հավակնորդների ցանկում:
3. Թիմային աշխատանք
Միգուցե նա բազմաթիվ գոլեր չխփի, բայց հավանաբար կունենա լավագույն մրցաշրջաններից մեկը: Բանն այն է, որ Տորրեսը պետք է դառնա «Չելսիի» առաջատարն ու շարժիչ ուժը: Նա պետք է կարողանա ուժեղ մրցակիցների դեմ պայքարում հաղթանակներ պարգևի թիմին: Օրինակ Նորչելանդի դեմ խաղում չնայած նրան, որ Նանդոն գոլի հեղինակ չդարձավ, այնուամենայնիվ մեծ ներդրում ունեցավ թիմի հաղթանակի մեջ: Միանշանակ նա թիմի լավագույն խաղացողներից մեկն էր:
4. Արդյունավետ կիսապաշտպանություն:
Նախորդ մրցաշրջանում Տորրեսի վատ մարզավիճակի հիմնական պատճառներից մեկը թիմի վատ կիսապաշտպանությունն էր: Բայց այս մրցաշրջանը «Չելսիի» համար ուղղակի հրաշալի է դասավորվում: Մատա - Ազար - Օսկար կիսապաշտպանական եռյակը շատ մեծ նշանակություն ունի ոչ միայն թիմի, այլև Տորրեսի համար: Ֆերնանդոն շատ փոխանցումներ է ստանում նրանցից, ինչն էլ հարձակվողի հաջողության հիմնական գրավականն է:
5. Այլ հարձակվողների բացակայություն:
Եթե նախորդ մրցաշրջանում Տորրեսին խանգարում էր Դրոգբան, ապա այժմ Տորրեսն իրեն կարող է վստահ զգալ թիմի մեկնարկային կազմում հայտնվելու հարցում: Չնայած նրան, որ թիմում կա եզրային հարձակվող` ի դեմս Դանիել Սթարիջի, այնուամենայնիվ Դի Մատտեոն չի վստահում անգլիացուն: Տորրեսը պարզապես իրեն փոխարինող չունի և «Չելսին» ստիպված է հույսեր կապել և վստահել թիմի միակ մաքուր հարձակվողին: Իսկ եթե Տորրեսը շարունակի լավ փոխանցումներ ստանալ կիսապաշտպաններից, և կարողանա գրոհները եզրափակել գոլերով, ապա այս մրցաշրջանը կարող է լավագույններից մեկը լինել նրա կարիերայում:
Տարածել լուրը`