Գլխավոր էջ » 2012 » Ապրիլ » 5 » Այս տարի հաջողությունը ժպտում է «Չելսիին»
Այս տարի հաջողությունը ժպտում է «Չելսիին»
Չեմպիոնների լիգայի քառորդ եզրափակիչի «Չելսի» - «Բենֆիկա» (2:1) պատասխան խաղից հետո բրիտանական The Telegraph-ը վերլուծել է լոնդոնյան ակումբի խաղը:
Հետեւությունները մի քանիսն են. իսպանացի Ֆերնանդո Տորեսը մարզավիճակում չի, այլապես կարող էր ավելի վտանգավոր լինել: Նա ստացած մի քանի գոլային հնարավորություններից ոչ մեկը չկարողացավ օգտագործել:
Պաբլո Այմարն իր գործողություններով ցույց տվեց Լեմպարդի թույլ կողմերը, այնպես որ Դի Մատեոն կշարունակի ավելի շատ վստահել Մերելեշին, քան` Լեմպարդին:
Էշլի Քոուլի փայլուն խաղը ցույց տվեց, թե ինչքան ուժեղ է լոնդոնցիների պաշտպանության ձախ թեւը: Անգլիայի հավաքականի 31-ամյա խաղացողը գերազանց մարզավիճակում է: Կիսաեզրափակիչում «Բարսելոնան» ստիպված կլինի տանջվել այդ թեւում:
Եվ վերջին եզրակացությունն այն է, որ հաջողությունն այս տարի ժպտում է «Չելսիին»: Քառորդ եզրափակիչի պատասխան խաղում «Բենֆիկան» տասը ֆուտբոլիստներով մի քանի անգամ կարող էր գրավել լոնդոնյան ակումբի դարպասը:
Տարածել լուրը`